Katika kuadhimisha Siku ya Muungano wa Tanzania, Mwenyekiti wa Baraza la Vijana Wilaya ya Mjini, Ndugu Rajab Makame Ali, akiambatana na Makamu Mwenyekiti Ndugu Mayasa Hamadi Ali, waliongoza matembezi maalum ya vijana yaliyoambatana na utalii wa ndani. Lengo kuu lilikuwa kuhamasisha uzalendo, mshikamano, pamoja na kukuza utamaduni wa kutembelea vivutio vya utalii vilivyopo nchini. Matembezi hayo yalihitimishwa rasmi na Mkurugenzi wa Masoko, Kamisheni ya Utalii Zanzibar, Ndugu Rahma Muhammad Sanya, ambaye alisisitiza umuhimu wa vijana kushiriki kikamilifu katika kukuza sekta ya utalii. Vijana ni nguvu ya taifatukiungana, tunajenga Zanzibar na Tanzania yenye mafanikio zaidi!
Leo tarehe 4 Mei 2026, nimeshiriki katika Maadhimisho ya Siku ya Msanii Zanzibar, ambapo nimepata fursa ya kuzungumza na wasanii mbalimbali na kushiriki nao katika shughuli za maadhimisho hayo. Nimehudhuria tukio hili nikiwa na mwenyeji wangu, Mbunge wa Jimbo la Kwahani, na kwa pamoja tumesisitiza umuhimu wa kuendeleza sanaa na kuwathamini wasanii katika jamii yetu. Imekuwa ni siku yenye mafanikio na uzoefu wa kipekee, nikijifunza mengi kutoka kwa wabunifu hawa muhimu katika maendeleo ya utamaduni wetu.